注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

WayneLAM

 
 
 

日志

 
 

【转】【粤语】国家级示范性高中——番禺中学的饭堂  

2010-05-03 17:09:02|  分类: 默认分类 |  标签: |举报 |字号 订阅

  下载LOFTER 我的照片书  |

你可能食过有菜头噶鸡肉,但系你有冇食过有烟头噶鸡肉!?

你可能食过有菜虫噶生菜,但系你有冇食过有鼻涕虫噶生菜!?

你又有冇食过有头发噶龟苓膏!?

食粥食到一条黑粗不规则短短噶毛(至于系咩毛,我地仲系度研究)!?

你又有冇食过有铁钉噶糯米鸡,仲有曱甴噶番茄炒蛋!?

来番中,一切皆有可能

                     图片

 

 

 

­奇迹菜式第一道:生菜白灼鼻涕虫

图片

图片

 

 

 

奇迹菜式第二道:烟头鸡扒一锅熟

图片图片

 



奇迹菜式第三道:小强番茄蛋中游

图片

图片

图片

图片

奇迹菜式第四道:铁钉糯米鸡中插

(图片暂无,有这张经典相片或其他奇迹菜式噶同学欢迎加我QQ)

 

奇迹菜式第五道:(Lvn)娈毛皮蛋瘦肉粥

(图片暂无,有这张经典相片或其他奇迹菜式噶同学欢迎加我QQ)

 

­事件回放

 

我地宿舍噶黄某某,系4月22号(星期4)中午系番禺中学饭堂食饭

叫左份鸡扒,话就话系鸡扒,其实就系一块大D噶鸡肉

点知一啖摆落口,发觉唔对路,呕翻出来一睇~

哇~烟头!?同学即刻叫左啊姨来,啊姨话距话唔到事,叫我地稳老板娘

老板娘上左来,交涉左一阵,话赔翻个饭比距,可以叫外卖,老板娘比钱

但系一个饭就想黄某某收声的确存在一定噶难度

黄某某要老板娘当住全校面道歉,老板娘见软噶唔得就“耍流氓”

话:你食到烟头我咪退翻个饭比你咯,甘你想点啊!?

黄某某话:你至起码比个交代我,系饭堂食鸡食到烟头喔~点都要个人出来负责呱

老板娘话:D啊叔冇文化姐,你地系读书架,系人都有做错事噶时候啦,你地老豆老母工作都会出错啦,你地读书都会做错事啦,甘点啊!?

兄弟话:我地做错也咪要写检讨咯,你地加做错紧系要道歉架,系咪又好似我地甘写检讨啊,啊叔冇文化就可以丢烟头,啊叔冇文化仲可以杀人添!

老板娘(见冇也好讲)跟住话:甘系啊,你想点啊?

黄某某(重复讲):公开道歉

老板娘话:否则呢?

我地见冇也可以威胁到距,都冇也好讲啦,最衰唔记得录音,录左音距仲唔死?

既然冇办法,唯有先翻宿舍食即食面顶顶肚先

我地话黄某某蠢,唔叫外卖,点都要食D架,距话:算啦,冇胃口啦,食即食面啦~哎,就甘,烟头门事件告一段落,以为饭堂老板娘比我地闹闹会醒定D

点知~~~~

就系同一日噶晚上,我噶同桌系9.10PM噶一小段下课时间去饭堂买左袋生菜

饭堂好少有生菜,可能系赚得少,一个星期最多卖一次

甘啱甘日有,距兴高采烈甘买左袋翻来享受

点知食到一半就冲左去厕所,当时正在专心致志做作业噶我突然发现同桌唔见左

我同桌噶同桌,就系烟头门事件噶男主角,距话向某某食到D污糟也

去做厕所呕,我话:有冇甘侨啊,又发生系我身边?

呕到热泪盈眶噶向某某翻来话:D生菜食到一半,见到有条鼻涕虫啊!!!

我仲冧住食生菜+即食面叹下添,点知~~哎~~

我带住怀疑同埋好奇话:撩出来睇睇!?

距翻左翻,整左条1.5厘米噶鼻涕虫出来

我话:Shit~~甘得意噶鼻涕虫都比你食到,RP啊

(注:对于RP这一代名词,好多打机噶人都应该知道系“人品”)

有冇搞错,而家饭堂当我地系咩啊!?见生菜冇肉,整D甘噶也比我地叹了喔

我怀疑鼻涕虫先至系主菜,生菜系配菜来噶咋~~

短短5分钟我地全班都知道晒,接踵而来噶事件令我地好嬲

果日啱啱落完大雨,鼻涕虫横流,饭堂一大摞菜冲冲水就攞去煮

鬼唔系咩,点冲甩D鼻涕虫啊,而且我地见亲D鼻涕虫都起码6~7厘米啦

1.5厘米噶鼻涕虫好明显煮过,仲讲D“精华”煮晒出来添

难为我地室噶肥仔仲好开心甘食左一大袋,食完先知道哩单“青菜门”事件

放学之后我地一齐去稳老板娘,点知老板娘唔系度

饭堂明确指出星期4老板娘会系饭堂,帮我地充卡噶

点知中午系度,晚黑就唔系啦,我地稳边个投诉啊~!?

甘唔复责任,一话系距早就知道我地会再稳距,哩埋左啊

一波没平一波又起,示范性高级中学喔~~我呸~~

我地翻到宿舍,觉得唔可以再鹌鹑落去,我地就将种种消息发散出去

我地要全部人都睇清哩间所谓噶“示范性高级中学”

 

就系第二日4月23日(星期5),我地收到唔少朋友噶报料

话有人食到有铁钉噶糯米鸡,食到有曱甴噶番茄炒蛋

食粥食到一条黑粗不规则短短噶毛噶系我地隔离宿舍噶王某某

仲有人话食肉松包食到鼻S添,这则新闻爆炸得Unbelievable

其它都系真实噶,绝冇半点虚言

另外我征收那张铁钉糯米鸡噶相,有噶朋友随时加我QQ499204876

 

作为学生,外面噶消费不是每个人都能够承受

而作为我地可以话系唯一噶食品供应商--------饭堂

距地真系可以令我地食得安心,活得放心吗?

就发生系我身边同埋我知道噶饭堂爆炸性新闻就已经有甘多啦

至于其它食左唔知,食到唔讲噶“鹌鹑门”,究竟仲有几多

番中1800人,起码1600人食过饭堂,饭堂月收入保守估计上10万

居然甘样对我地哩D祖国未来噶花朵,想唔凋谢都难啦~~

赚卖D甘噶黑心钱,有钱又点,迟早折堕

我地一位室友话有次听到老板娘King电话讲到:我加系番中啊,唔系仲元!!

至于哩位甘把炮噶老板娘系咪真系2间提前批高中噶饭堂老板娘

我地要同仲元噶学生核对下先只,如果真系噶话,我建议仲元学生最后小心D

唔知几时会有则新闻讲到:

一名学生因吞入铁钉在2小时后猝死,幕后黑手究竟是谁?

 

讲左甘多,都系讲系4月23日晚(星期5),我同老板娘噶唇枪舌战啦

积聚左2日噶不满,系哩个moment,我要爆~~啦(少林足球经典对白)

一开始噶我,系度完紧棒棒糖手机斗地主(手机网游,最爱棒棒糖!)

兄弟们同老板娘交涉(例牌),讲完“烟头门”再讲“生菜门”

老板娘话,甘条虫呢?我地早知道距会甘,就事先将果袋才保存好

果然,哩个时候,我地“生菜门”噶男主角向某某登场

但系令我地无语噶系~~距面带笑容,掕住袋菜,健步向前

(有冇搞错,加叫你来找晦气你面带笑容扮咩啊)

(我冧距早就唔记得左距呕到热泪盈眶个样啦,人地唔知仲以为距来搞笑噶添)

 

 

                                               Round one~Fight!!!

好快我地稳左条鼻涕虫出来

老板娘(扮傻):哩条系好普通噶菜虫姐

我板娘:你有冇见过甘噶菜虫啊,好明显鼻涕虫啦,D菜睇都唔睇就攞去煮

老板娘:你有冇睇过我地做也啊

我:紧系冇睇过啦,睇过仲惊啊,睇过以后都唔够胆系度食啦

老板娘(嚣张):你加系咪就话你以后都唔敢系饭堂食啊?

我(更嚣张):哈,我哩几日都冇系饭堂食,我食即食面姐,你估我真系食饭堂架,我冲左五牙几蚊我都唔食添啊

老板娘:甘好啦,你地来哩度签个名,我迟D向你地道歉。(扮嘢)

(当我地傻架,签名?跟住稳老师跶我地?)

老板娘行开左,走去攞左张纸过来话:你地签个名啦。

我:我地唔需要写名,我要你向全校噶同学道歉,而家唔单系我地班,其他大把人食过,你地一日唔道歉,饭堂噶信誉始终保证唔到,人地话系D肉松包度食到鼻S添啊(虽然我都唔多信,不过确实有同学甘样反映)

老板娘:哇,嘜甘醒目啊,鼻S都食到啊

班长插口:乌蝇都有啊!

老板娘:紧系有啦,度度都有啊,有咩甘出奇啊(终于肯认啦咩)系啦,你记住啦,我叫啊姨向你道歉啦(咩都赖啊姨,赚钱又系啊姨赚了喔)

我:你同我地道歉冇用噶,我要你向全校道歉,你地饭堂噶信誉始终保证唔到

老板娘:加甘多人都冇事就系你地有事

我:冇事,距地吾讲唔代表冇事,系得我地讲姐,距地怕事吾讲,但系我地唔系,我地唔可以保持沉默噶。唔讲喔,你地饭堂点啊,食D甘噶嘢,消费者协会都保护我地啦。你加食左条鼻涕虫距我当冇事,我以后照系你饭堂食饭,菜虫喔,你食比我睇啊,鼻涕虫啊,菜虫!

老板娘:你没种过菜啊你屋企(问来都废噶)

我:我没种过鼻涕虫,菜喔,我没见过有鼻涕虫噶菜

老板娘:甘我又唔知点解D菜有鼻涕虫喔

我:噢,你唔知,唔知,琴日落完雨几多鼻涕虫啊,睇都唔睇就攞去煮,点食啊

老板娘:你啊妈种菜叫距唔好有虫啊(点种都唔会有鼻涕虫啦)

我:我啊妈唔使种菜,生活条件好得很

老板娘:咪系咯,所以唔知道生活艰难就系甘咯

班长又插:艰难就要食虫架啦

老板娘:唔系话艰难就要食虫,系你地有意搞事,我加日日有同阿姨讲

(日日讲都系甘噶款,如果一日唔讲甘我地吃到噶就可能唔系沙,系砖头啦)

我:甘条鼻涕虫点解释啊,加油喔,点算啊

老板娘:咪退翻比你咯

我:你退翻比我就得架啦

老板娘:加唔系点啊

民怨四起:冧大你啊(钱就你赚,有事就阿姨负责)

老板娘:加个啊姨都唔做啦,距加仲系绝食左一日

(边有啊姨甘抵冧,啱啱知道哩单也半粒钟都冇,距点绝食一日啊,仲冇做添)

我:啊姨做唔做唔关我事,你地饭堂噶信誉系你地饭堂噶信誉,距有事关我鬼事,加我有事就关你事,你系饭堂老板娘你要负责。

一轮乱谈后突然爆出一句:加D鸡都食烟了喔

乱谈过后,老板娘:你可以唔系度食架,可以出去食架(你嚣张)

班长再插:饭堂唔系比学生系度食架

老板娘:随你中唔中意系度食(都打横来噶)你可以睇下我地D玻璃几干净!?

梁某某插:玻璃干净喔,你食琉璃啦,玻璃干净啊系~~

老板娘(语无伦次):你地甘聪明去赈灾啊

我:聪明同赈灾系冇直接噶逻辑关系噶

老板娘:甘就唔好食宵夜好过啦(点啊,比我定到转话题啊)

我:我地食吾食宵夜唔关你事,但系你煮饭就关我事,食落我肚关我事,我读唔读书唔关你事,系咪甘讲先!

 

老板娘理屈词穷,不得不收声。此时,新人物登场,一位食堂员工(彪型大叔)

  

 

Round two~~Fight!

大叔过来支援,另外仲有位阿姨(大概系其他阿姨噶“头儿”)

阿叔话:边度有鼻涕虫,我稳下!

兄弟们:呐,哩度啊,稳啦

稳左阵,稳到左条虫,放系手心

阿叔:哩条虫系你地捉来噶,滚过噶唔系甘噶!

阿姨头附和:你地捉来加嘛!

兄弟:滚滚滚,你就滚过啦,唔系捉来噶你系咪食左距啊

我:好明显煮过啦,(我伸出手指比划左下)煮之前甘大条架(操场上有)

煮过之后煮到甘细条,我去边度捉甘细条噶鼻涕虫比你啊!我地有冇甘得闲栽赃嫁祸啊。烟头有点解释啊,我地食烟了喔,使唔食比你闻下个口啊!

(注:鼻涕虫在遇到咸味后会脱水,唔系煮过边度来甘细条噶鼻涕虫啊)

老板娘:我加唔系同你吵架噶

跟住系啊叔噶掩护底下,老板娘消失系茫茫人海之中

我地唯有同阿叔理论,点知阿叔攞住条虫冧住走入厨房(毁尸灭迹?心亏?)

我一手拉住阿叔:你放低条鼻涕虫先好入去啊

阿叔放低后话:甘你地想点啊?

兄弟们齐说:公开道歉!

啊叔话:冇可能噶

落幕时候,由我来结尾:你以为你们唔公开就冇人知啊,一样有人知,我要全校都知,仲元都知,全部高中都知道我地哩间高级示范性高中D威水史!!!

此时周围响起左掌声,我噶喉咙已经沙得好似老左20年咁!

哩件事就“暂时”告一段落,我就唔信饭堂老板娘唔会公开道歉!!!

 

甘噶饭堂你见过没,甘噶老板娘你又见过没,甘多新款噶菜式你又试没?

读者可能会怀疑,第一次噶对话短我可以复述姐

后面博火我冇理由记得甘清楚呱,其实博火果段话我有录音

以上对话绝对真实,想听噶欢迎加我Q

可能博火果段话又长又臭,但系我觉得老板娘噶回复好雷人

再加上要是用手机浏览此文章,没有音频如何了解雷人噶老板娘

还有,我有留意到有同学用手机把全程录左像

有那段视频噶同学可以上传到视频网站,再告诉我网址

我随便将距整落空间,欢迎转载,我要全部噶人都睇清番中噶饭堂

各位读者,睇到哩度,你地有咩冧法,有咩遭遇噶,欢迎留言

 

  评论这张
 
阅读(168)| 评论(0)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017